Umfjöllun
Árið 2016 var hitaveituskurður grafinn í gegnum tún og norðurjaðar bæjarhóls í landi Stóru Drageyjar í Skorradal. Fornleifafræðingar sem áttu leið um svæðið sáu að mannvistarleifar leyndust í skurðinum og höfðu því samband við Minjastofnun sem krafðist þess að skurðurinn yrði rannsakaður nánar. Fornleifastofnun Íslands kannaði því skurðinn, en verkstjóri var Lísabet Guðmundsdóttir, og komu tvö mannvirki í ljós. Annars vegar var um að ræða útihús byggt ofan á eldri byggingu og virðist það hafa verið nýtt til íveru. Hitt mannvirkið var lítil bygging með eldstæði, en annars var hlutverk þess óljóst. Aldur yngstu minjanna er sagður frá 19. - 20. öld en ekki var hægt að aldursgreina eldri minjar.
Myndir
![„[H]orft yfir lagnaskurðinn til vesturs. Í skurðinum sést mannvirki 2. Hægra megin í skurði (norðan megin) er nyrðri langveggur og vinstra megin eru torfveggir ásamt gólflagi á milli þeirra.“](../../images/digs/Stora_Dragey_1.JPG)
„[H]orft yfir lagnaskurðinn til vesturs. Í skurðinum sést mannvirki 2. Hægra megin í skurði (norðan megin) er nyrðri langveggur og vinstra megin eru torfveggir ásamt gólflagi á milli þeirra.“
Lísabet Guðmundsdóttir. (2016). Fornleifarannsókn á mannvistarleifum í hitaveituskurði í landi Stóru Drageyjar, bls. 1. (FS620-16161). Reykjavík: Fornleifastofnun Íslands.
„Mannvirki 1 í sniði ásamt stoðarholu í fleti. (Mynd tekin í S)“
Lísabet Guðmundsdóttir. (2016). Fornleifarannsókn á mannvistarleifum í hitaveituskurði í landi Stóru Drageyjar, bls. 41. (FS620-16161). Reykjavík: Fornleifastofnun Íslands.
„Eldstæði í mannvirki tvö. (Mynd tekin í S)“
Lísabet Guðmundsdóttir. (2016). Fornleifarannsókn á mannvistarleifum í hitaveituskurði í landi Stóru Drageyjar, bls. 42. (FS620-16161). Reykjavík: Fornleifastofnun Íslands.
„Skurðurinn áður en rannsókn hófst. Rauða húsið er gamla íbúðarhúsið en gráa húsið er hlaða. (Mynd tekin í A)“
Lísabet Guðmundsdóttir. (2016). Fornleifarannsókn á mannvistarleifum í hitaveituskurði í landi Stóru Drageyjar, bls. 7. (FS620-16161). Reykjavík: Fornleifastofnun Íslands.